GVHSS IRIYANNI VHSE

ഇരിയണ്ണി ഗവൺമെൻറ് വെക്കേഷണൽ ഹയർ സെക്കൻഡറി സ്കൂൾ വിഎച്ച്എസ്ഇ വിഭാഗം നാഷണൽ സർവീസ് സ്കീമിൻ്റേയും മുളിയാർ സാമൂഹിക രോഗികേന്ദ്രത്തിന്റെയും സംയുക്ത സഹകരണത്തിൽ ജീവിതശൈലി രോഗനിർണയ ക്യാമ്പ് സംഘടിപ്പിച്ചു. സ്കൂൾ ഹെഡ്മാസ്റ്റർ എ എം അബ്ദുൽസലാം അദ്ധ്യക്ഷത വഹിച്ച ചടങ്ങ് പിടിഎ വൈസ് പ്രസിഡൻറ് ടി കെ കൃഷ്ണൻ ഉദ്ഘാടനം ചെയ്തു.  മുളിയാർ സാമൂഹിക ആരോഗ്യ കേന്ദ്രം ജൂനിയർ ഹെൽത്ത് ഇൻസ്പെക്ടർ ജിബി കൗമാരക്കാരിലെ ഡയബറ്റിസും രക്തസമ്മർദ്ദവും എന്ന വിഷയത്തിൽ ക്ലാസ് കൈകാര്യം ചെയ്തു. വിഎച്ച്എസ്ഇ വിഭാഗം പ്രിൻസിപ്പാൾ പി സുചീന്ദ്രനാഥ് സ്വാഗതവും ഡോ. പി എം നീമ നന്ദിയും പറഞ്ഞു. 

ഇരിയണ്ണി ഗവൺമെൻറ് വൊക്കേഷണൽ ഹയർ സെക്കൻഡറി സ്കൂൾ വിഎച്ച്എസ്ഇ വിഭാഗം നാഷണൽ സർവീസ് സ്കീം ഓണത്തിന് വിളവെടുക്കാൻ ലക്ഷ്യമിട്ട് പച്ചക്കറി തൈകൾ നട്ടു.  നാഷണൽ സർവീസ് സ്കീം മുൻ പ്രോഗ്രാം ഓഫീസർ കെ ശ്യാമള പദ്ധതിക്ക് നേതൃത്വം വഹിച്ചു. 

ഇരിയണ്ണി ഗവൺമെൻറ് വൊക്കേഷണൽ ഹയർ സെക്കൻഡറി സ്കൂൾ വിഎച്ച്എസ്ഇ വിഭാഗം നാഷണൽ സർവീസ് സ്കീം ഹിരോഷിമാ ദിനം ആഘോഷിച്ചു. പരിപാടിയുടെ ഭാഗമായി വളണ്ടിയർമാർ കടലാസ് കൊണ്ട് പ്രാവിൻറെ രൂപം ഉണ്ടാക്കി സ്കൂൾ വരാന്തയിൽ പ്രദർശിപ്പിച്ചു. കടലാസ് പ്രാവുകൾ ഉണ്ടാക്കുന്നതിന്റെ ഭാഗമായി ഒറിഗാമിയിലുള്ള നൈപുണി വളർത്തുവാൻ വേണ്ടി അധ്യാപകർ വളണ്ടിയർമാർക്ക് പരിശീലനം നൽകി. സ്കൂൾ പ്രിൻസിപ്പൽ പി. സുചീന്ദ്രനാഥ്, ഡോ. പി എം നീമ, ഡോ.കല്യാണി  രാധാകൃഷ്ണൻ  എന്നിവർ നേതൃത്വം നൽകി.