GVHSS IRIYANNI VHSE

ഗവ വെക്കേഷണൽ ഹയർ സെക്കൻഡറി സ്കൂൾ ഇരിയണ്ണി വിഎച്ച് എസ് ഇ   വിഭാഗം ഒന്നാം വർഷ പൊതുപരീക്ഷയിൽ മികച്ച വിജയം നേടിയ വിദ്യാർത്ഥികളെ ക്ലാസ് പി. ടി. എ  യോഗം അനുമോദിച്ചു. സ്കൂൾ പിടിഎ പ്രസിഡണ്ട് ബി എം പ്രദീപ് അധ്യക്ഷനായ ചടങ്ങിൽ വി എച്ച് എസ് ഇ വിഭാഗം പ്രിൻസിപ്പാൾ പി സുചീന്ദ്രനാഥ്, പിടിഎ വൈസ് പ്രസിഡണ്ട് ടി കെ കൃഷ്ണൻ, പിടിഎ എക്സിക്യൂട്ടീവ് അംഗം കെ വിശ്വനാഥൻ എന്നിവർ സംസാരിച്ചു.  കെ ശ്യാമള സ്വാഗതവും എ രാജൻ നന്ദിയും പറഞ്ഞു. എൻ. സുധീഷ്, ടി ടി ബേബി സുമതി, ഡോ. കല്യാണി രാധാകൃഷ്ണൻ, എം. എ. സൈദ എന്നിവർ അക്കാദമി കാര്യങ്ങൾ വിശദീകരിച്ചു. ഉന്നത വിജയം നേടിയ നിഷാന്ത് ബി, അലൻ കെ എസ് , നഫീസത്ത് ഷഹാന , അപർണ്ണ ജെ എസ്, അഭിരാം കെ, ആയിഷത്ത് ഷബ്‌ന ടി ഇ എന്നിവർക്കുള്ള ഉപഹാരം പിടിഎ പ്രതിനിധികൾ കൈമാറി. 

ഇരിയണ്ണി: ജി വി എച്ച് എസ് എസ് ഇരിയണ്ണി വി എച്ച് എസ് ഇ വിഭാഗം നാഷണൽ സർവീസ് സ്കീമിന്റെ ആഭിമുഖ്യത്തിൽ ലോക പരിസ്ഥിതി ദിനം ആചരിച്ചു. രാവിലെ നടന്ന പ്രത്യേക അസംബ്ലിയിൽ സ്കൂൾ പി.ടി.എ പ്രസിഡണ്ട് ബി എം പ്രദീപ് കുട്ടികൾക്ക് ഹരിത സന്ദേശം നൽകി. എൻ എസ് എസ് വളണ്ടിയർ സെക്രട്ടറി അപർണ ജെ. എസ് പരിസ്ഥിതി ദിന സന്ദേശം ചൊല്ലിക്കൊടുത്തു.  തുടർന്ന് നടന്ന "അറിയാം കാടിനെ" എന്ന പരിപാടി വളണ്ടിയർമാർക്ക് ഹൃദ്യമായ അനുഭവമായി. ഫോറസ്റ്റ് ഉദ്യോഗസ്ഥന്മാരായ അനിൽ, ഗോകുൽ എന്നിവർ വന സമ്പത്തിനെക്കുറിച്ചും വന പരിപാലനത്തിന്റെ ആവശ്യകതയെക്കുറിച്ചും സംസാരിച്ചു. അധ്യാപകരും വളണ്ടിയർമാരും ചേർന്ന് വനപ്രദേശത്ത് ഫല വൃക്ഷത്തൈകൾ നട്ടു.  കാടിറങ്ങി നാട്ടിൽ വരുന്ന കുരങ്ങന്മാർ ഉൾപ്പെടെയുള്ള വന്യ മൃഗങ്ങൾക്ക് കാടുകളിൽ ആഹാരം ഒരുക്കി അവിടെത്തന്നെ നിലനിർത്തുന്നതിന് വേണ്ടിയുള്ള പ്രവർത്തനങ്ങളുടെ ഭാഗമായാണ് ഫലവൃക്ഷത്തൈകൾ നട്ടത്.  വിഎച്ച്എസ്ഇ വിഭാഗം പ്രിൻസിപ്പാൾ പി സുചീന്ദ്രനാഥ്, പ്രോഗ്രാം ഓഫീസർ ഡോ. നീമ പി എം എന്നിവർ സംസാരിച്ചു.